Қиындықта әрдайым жанымнан табылған сүйікті жарым Линдаға арналады. Сен менің өмірімдегі ауадай қажет тынысымсың.
Созылмалы ауру саған жабыспасын
Stephen Kopecky
Жазылымсыз режим: алғашқы 20 бет ашық
20 px
1.85
0.30 px
0.95 em
Алғысөз: Менің көзқарасым
Емдеуден гөрі алдын алған артық: Менің денсаулыққа қатысты көзқарасымның оянуы
Қатерлі ісіктен толық емделгеннен кейін көп ұзамай, 40 жасқа толған күні онколог дәрігерім хабарласты. Қалдық ісік тіндерін іздеу кезінде іш қуысынан тағы бір ісік табылғанын, сондықтан қайта ота жасау керектігін айтты. Бұл менің екінші рет қатерлі ісікке шалдығуым еді және бұл жолғысы медициналық мектепте оқып жүргендегі бірінші жағдайдан өзгеше болды. Алғашқысында мен ота жасатып, сәулелік терапия алған болсам, бұл жолы отамен қоса бірнеше айға созылатын химиотерапия қажет болды.
Қатерлі ісікпен күрес өмірімнің өзегіне айналды және маған мына бір нақыл сөздің терең мағынасын ұғындырды:
"Дені сау адамның мың арманы бар, ал ауру адамның арманы біреу ғана".
Сол сәттен бастап мен іштей шешім қабылдадым: егер жолым болып, жазылып кетсем және аман қалсам, онда қатерлі ісіктен аулақ болу үшін бар күшімді саламын. Сөйтіп, мен қатерлі ісік пен басқа да ауыр аурулардан қалай сақтануға болатынын үйрене бастадым және бұл үшін қандай шаралар қолдану керектігі туралы ойландым.
Ол кезде мен миокард инфарктісін емдеуге және коронарлық ангиография жасауға машықтанған интервенциялық кардиолог едім. Бұл дегеніміз, мен аурудың алдын алуға емес, оны емдеуге көбірек бейімделген маман болдым. Аурудың алдын алуды үйрену мен үшін жаңалық болды, бірақ шыққан қорытынды мені қатты таңғалдырды:
Біріншіден, екі рет қатерлі ісікпен ауырғаныма қарамастан, болашақта жүрек ауруынан қайтыс болу ықтималдығым жоғары екенін түсіндім. Екіншіден, 6 негізгі өмір салты әдеті адамдарды жүрек ауруы, қатерлі ісік, Альцгеймер ауруы және қант диабеті сияқты қазіргі әлемде кең тараған ауыр дерттерге шалдықтыратынын анықтадым.
Мен 40 жастағы кез келген адам бетпе-бет келгісі келмейтін мәселені — түбінде өлімнен қашып құтыла алмайтынымды мойындауға мәжбүр болдым. Бұл мәселені тереңірек зерттей келе, адам өмірі аяқталар шақта өлімнің негізгі 4 түрі болатынын анықтадым:
1 сағат ішінде кенеттен қайтыс болу.
Айықпас дертке шалдығып, бірнеше ай ішінде тез көз жұму.
Органдардың жеткіліксіздігі (істен шығуы).
Қайтыс болар алдында дененің ұзақ уақыт әлсіз күйде болуы.
Соңғы екі жағдай әдетте адамның бірнеше жыл, тіпті ондаған жылдар бойы аурумен алысып өтетінін білдіреді.
Сонымен қатар, 6 негізгі өмір салты әдеті түрлі созылмалы ауруларды тудырып, ақырында адамды осы 4 өлім түрінің біріне алып келеді. Жоғарыдағы нақыл сөзден шабыт алып, егер жолым болып, қатерлі ісіктен тағы да толық айығып кетсем, өмірімнің қалған бөлігін денемді барынша күтіп-баптауға арнаймын деп шештім. Бұл түбінде мені қазіргі күнделікті айналысатын ісім — медициналық профилактика саласына алып келді.
Мен бұл кітапты адамдарға салауатты өмір сүру мақсатына жетуге көмектесу үшін жаздым. Осы мақсатқа жету үшін біз нақты не істеуіміз керек? Бұл кітапта мен өз үйренгенім мен түйгенімнің барлығын қорытындылап, оқырмандарыммен бөлісемін.
Бірінші бөлім
Ұзақ өмір сүру үшін денсаулық мықты болуы керек
Толық нұсқа жабық
Сіз кітаптың тек алғашқы 20 бетін оқыдыңыз. Қалған бөлімді ашу үшін жазылым қажет.
Жазылу бетіне өту
Пікірлер (0)
Пікір жазу үшін аккаунтқа кіріңіз. Кіру