Гүлмәрия Барманбекова

Барманбекова Гүлмәрия (1950 жылы 21 сәуірде Жамбыл облысы Қордай ауданы Күнбатыс ауылында дүниеге келген) – тележурналист. Жамбыл қаласы Абай атындағы педагогикалық училищесін (1969), ҚазМУ-ді бітірген (1975). Еңбек жолын 1969 жылы Жамбыл облысы Қордай ауданы "Қордай шамшырағы" газетінде әдеби қызметкер болудан бастап, университетті бітіргеннен кейін республикалық радиодағы "Шалқар" бағдарламасының Бас редакциясында тілші болып істеді (1976-77). КР Мемлекеттік баспа комитеті көрме және кітап лотереясы дирекциясында аға методист (1977-80), Қазақ теледидарында тілші, редактор, комментатор (1980-90), Қазақ теледидары "Парасат" шығармашылық бірлестігінің жауапты хатшысы (1990-91), Қазақстан ұлттық арнасының редакторы (1992-94), КР Жоғарғы Кеңесіндегі Қазақ теледидарының арнаулы тілшісі (1994-95), "Қазақстан" РТРК-ның комментаторы (1995-99), "Қазақстан" РТРК Алматы орталығында шығармашылық топ жетекшісі (1999-2002), "Алматы — Оңтүстік астана" телекомпаниясында редактор (2002-2007). 2007 ж. "Businesswomen-kz" журналы қазақша нұсқасының бас редакторы. Қазақ теледидарында спорт тақырыбына көптеген хабарлар ұйымдастырды (1980-85). "Денсаулық" (1988-94), "Салауатты өмір салты" (1999-2001), "Көкнәрдің көз жасы" (2000-2002) циклдік хабарларын ұйымдастырып, эфирге шығарды. "Сапа" (1995-2005), "Экология бекеті" (2003-2005) циклдік телебағдарламасының авторы, редакторы, режиссері және жүргізушісі.