Ең үлкен байлық
Kitap.kz
Жазылымсыз режим: 20-беттен кейін жазылым беті ашылады, әрі қарай әр 10 бет сайын (ең көбі 5 рет).
20 px
1.85
0.30 px
0.95 em
Адамның денсаулығы – қоғам байлығы. Әрбір адам өз денсаулығының мықты болу жолдарын қарастыру керек. Дені сау адамның көңіл-күйі көтеріңкі болып, еңбекке әрқашан құлшына кіріседі.
Ертеде бір жас жігіт өзінің кедейлігін айтып, әрдайым мұңын шағудан жалықпайды екен:
– Шіркін–ай, егер менің байлығым көп болса, қандай жақсы болар еді. Мен онда асып–тасып өмір сүрер едім, – деп, зарлауын қоймайды.
Бір күні зарлап отырған жігіттің лашығының қасынан өтіп бара жатқан тас қашаушы қарт әлгінің қасына келіп:
– Саған не болды сонша жыланып? Сен нағыз бай адам емессің бе? – деп сұрайды.
– Мен баймын ба? – деп таңқалды жігіт.
– Кәне, қайда ол байлық?
– Сенің көздерің ше? Бір көзіңді біреуге қаншаға бере едің? – деп сұрайды қарт.
– Оның не?! – деп, шошып кетті жігіт. – Мен көзімді ешқандай байлыққа айырбастамаймын!
– Жарайды, – деді тас қашаушы.
– Ендеше екі қолыңды шауып тастасын, ол үшін көп алтын береді саған.
– Жоқ! Қолымды бермеймін, алтының керек емес, – дейді жігіт.
– Міне, көрдің бе? Сен өте бай адамсың ғой, – дейді тас қашаушы қарт.
– Ендеше, несіне зарлай бересің? Маған сенсең, адамның ең үлкен байлығы – күш–қуаты мен денсаулығы. Она ақшаға сатып ала алмайсың, – деді де, ол өз жөніне кете барды.
Шындығында да бірінші байлық денсаулық екенін ұмытпайық!
Пікірлер (0)
Пікір жазу үшін аккаунтқа кіріңіз. Кіру