Кәдірбек Құныпияұлы (27.4.1962 жылы туған, Райымбек ауданы, Тасбұлак ауылы) — ақын, Қазақстан Жазушылар одағының мүшесі (2001). 1979 ж. Кеген қазақ мектебін, 1983 ж. ҚазПИ-ді бітірді. 1979-91 ж. Кеген ауданы "Коммунизм нұры" (қаз. "Хан тәңірі") газетінде бөлім меңтерушісі, Кеген ауданы мемлекеттік сақтандыру инспекциясы бастығының орынбасары, 1991-98 ж. "Алматы ақшамы", "Өркен", "Заман-Қазақстан", "Заң" газеттерінде, "Саясат" журналында бөлім меңтерушісі, редактордың орынбасары болды. 1998-2002 ж. облыс "Жетісу" газеті бас редакторының 1-орынбасары. 2002 жылдан "Арыс" баспасында редактор. Алғашқы топтама өлендері "Қарлығаш" жинағына (1987) енді. "Қарқара, қайда барасың?" (1999), "Сарыала қаз — сағыныш" (2001)жыр жинақтары жарық көрген. Қазақстан Жастар Одағы мен Журналистер одағының Б.Бұлқышев атындағы сыйл. лауреаты (1995).
