Шабаз Иманалиев (1940 ж. т., Атырау облысы Қызылқоға ауданы Қаракөл ауылы) – қайраткер. Гурьев педагогикалық инcтитутын (қазіргі Атырау университеті) (1963),
Алматы жоғары партия мектебін (1973) бітірген.
1968 – 73 ж. Қызылқоға ауданы партия комитеттінің нұсқаушысы,
1973 – 99 ж. облысы партия комитеттінің нұсқаушысы, Форт-Шевченко қалалық партия комитеттінің 2-хатшысы, атқару комитеттінің төрағасы, облысы атқару комитеттінің баспа, полиграфия істері жөніндегі және кітап саудасы басқармасының бастығы, партиялық бақылау комиссиясы төрағасы, облысы еңбек және халықты әлеуметтік қорғау бас басқармасының бастығы қызметтерін атқарды.
1999 жылдан Республикалық «Отан» саяси партиясының облысы бөлімшесі төрағасының 1-орынбасары.
«Еңбекте үздік шыққаны үшін» (1971), т.б. медальдармен марапатталған.
